Lawas Tanah Samawa Part II

Sapuan Runtung Mo Waktu
Lonceng Ya Tarik Sabeling
Dadi Mo Jam Pang Saman Nan

Salin Mo Panunjuk Waktu
Lonceng Sanadi Si Alat
Pasamada Ko Tu Peno

Misal Ada Bale Motong
Atawa Ada Masalah
Lonceng Bleng Mo Mangkoneng



Lonceng Ling Bao Bale Nan
Pameang Datu Balanda
Dadi Hadiah Ko Raja

Masi Ling Dalam Pendopo
Tu Ete Teno Ko Bungkak
Ada Sumir Ya Karamat

Nan Nya Singin Sumir Batir
Sumir Peno Bawa Tutir
No Sambarang Tu Bakabu’

Orat Tutir Sumir Batir
Nan Nya Turas Ai Awak
Mana Balit No Towar

Dunung Lamin Tau Sakit
Jarub Ai Sumir Batir
Tenrang Rapang Nongka Sakit

Menan Si Ampo Sia Ee
No Sambabarang Tu Lo Parak
No Kerik Kadang Kasikal

Konang Nanta Tu Marenta
Sumir Boe Mo Katapin
Pina La Pangan Tenis

Parak Si Ke Sumir Batir
Ada Si Bale Pang Tedu
Bale Mo Pagawai Raja

Bale Nomonda Tu Gita
Boe Mo Rata Ke Tana
Ganti Mo Ke Bangunan Lin

Ada Kantor Kelurahan
Sopo Taman Kanak Kanak
Ke Sopo Sakolah Dasar

Kabali Ete Ko Angkang
Manang Ola Ke Lapangan
Balat Mo Ling Sopo Kokar

Kokar Rapang Benrang Ode
Maris Mo Sanadi Batas
Mena Gampang Tu Lis Tama

Batas Singin Kokar Dano
Barotak Ling Jenring Uma
Batenris Turin Lako Benrang

Otak Bungkak Kantor Camat
Barereng Ai Sakilo
Tenris Mo Ko Benrang Bara

Tu Lis Tama Ko Istana
No Bau Sambarang Tau
Dapat Insin Nan Po Bau

Satowe Kokar Ko Lenang
Pina Mo Tete Jambatang
Nan Ola Ta Mue Desa

Ling Ano Rawi Pandopo
Sapuan Masi Tua Rea’
Nan Nya Dadi Benrang Bara

Bua Dadi Benrang Bara
Nan Mo Bara Kembo Jaran
Ke Bedis Doma Maraja

Sapuan Dunung Gila Ee
Tau Ngayap Lako Raja
Kapeno Tau Balayar

Ka Kaling Bugis Menan Si
Lengkap Ke Joa Parjaka
Jangka Mo Bakarang Juru

Turin Bangka Ling Palabu
Maris Mo Ngusi Sangara’
Nan Po Ngayap Lako Raja

Ngusi Ling Sopo Katokal
Nan Mo Dadi Karang Bugis
Tu Sepan Si Karang Makam

Bua Tu Sepan Karang Bugis
Peno Tendu Tau Bugis
Mate Telas Mo Pang Ninan

Ampo Bua Karang Makam
Nan Pang Kubir Tau Lengit
Jangka To Masi Tu Gita

Momat Samoko Ke Jaran
Denan Tungang Ko Istana
Sat Tali Mo Pang Kokar

Katokal Sat Tali Jaran
Dunung Manang Mo Bioskop
Kareng Dadi Toko Rea’

Katokal Nan We Sia Ee
Dunung Beang Ko Tu Cina
Basingin Tuan Le On Thing

Salin Sampanang Bioskop
Le On Thing Pina Si Pabrik
Es Batu Sasenap Korok

Tu Samaris Ko Palabu
Dunung Siong Si Pang Labu
Pang Tungkup Nan Ka Palabu

Tungkup Tokal Tau Lempat
Lempat Kalis Bao Bangka
Turin Ko Tana’ Samawa’

Benru Rapina Palabu’
Kareng Mo Pina Jambatang
Singin Jambatang Palempat

Mula Pina Ling Balanda
Imung Sabalong Ling Jepang
To Dadi Karangka Baja

Jambatang Ling Brang Biji
Ola Mo Tu Angkang Gemba
Nan Singin Lapangan Terbang

Salin Mo Pang Karang Bugis
Tau Arab Ke Tu Cina
Ete Tokal Ling Sisi Let

Ete Tokal Ling Sisi Let
Kira Nan Pang Nyaman Ate
Imung Parak Ke Palabu

Ling Dalam Saman Balanda
Palabu Pina Ko Labu
Nan Mo Nya Labu Samawa’


Bua Maris Ling Samawa’
Ling Barzanji Tutir Nabi
Barema Bawa Ke Islam

Santara Ratib Rabana
Datang Kalis Desa Aceh
Nan Singin Sarambi Mekkah

Lako Seni Bela Diri
Ada Penca’ Ke Gantao
Denan Datang Kalis Luar

Lamin Penca’ We Sia Ee
Kalis Malayu Ke Banten
Gentao Silat Kalis Cina

Gentao Basa Samawa’
Lamin Bahasa Tu Cina
Nan Mo Tu Sepan  Kun Taow

                     *
Tu Samalik Lako Bao
Tokal Pusat Kerajaan
Ling Saketeng  We Sia E

Saketeng Karang Kalempat
Ling Tenga’ Ada Mo Bala’
Basa Kita Nan Nya Dalam

Bua Ya Sasingin Bala’
Ete Basa Tu Mengkasar
Tegas Mo Nan Bale Rea

Bale Rea’ Dalam Loka
Kajuluk Si Bala’ Kemar
Ling Dua Manang Barendeng

Ano Rawi Masjid Makam
Ya Singin Karang Parasi
Nan Katokal Dea Kadi

Masi Ling Saman Balanda
Dalam Loka No Mo Kenang
Bangun Mo Istana Benru

Sopo Karang Tu Saketeng
Pina Mo Katokal Tedu
Ko Raberas Ke Kalapis

Karang Bangun Mo Istana
Ya Tawa Datu Marenta
Maris Dadi Bale Para

Muntu Bangun Dalam Benru
Marenta Datu Saman Nan
Sultan Kaharuddin Telu

Datu Marenta Mo Ninan
Jangka Masa Tama Jepang
Maris Dapat Ling Mardeka

Nomongka Le’ Ka Mardeka
Datu Turin Mo Rapina
Turin Lako Bala Kuning

Turin Siong Si Barenang
Datu Maris Si Ya Pongo
Ra’yat Tetap Jatu Jatan

Bala’ Kuning Ta Sia Ee
Dadi Tokal Tendu Raja
Jangka Lengit Mo Nanta Na

Benru Rapina Mo Datu
Istana Sa Nadi Wisma
Pina Singin Wisma Praja

Wisma Praja Ta Sia Ee
Tokal Mo Ngentang Tamue
Lamin Datang Ko Samawa

Ta Tutir Wisma Peraja
Ka Ya Bangun Ling Balanda
Tin Siwa Olas Telu Mpat

Bangun Nongka Mo  Ke Semin
Garesik Campur Ke Lane
Imung Ampo Dua Antin

Dining Bao Lasar Anyam
Kuat Nantak Nonda Rusak
Pola Rancang Ling Insinyur

Saman To Ada Si Singin
Wisma Atawa Pendopo
Ete Basa Tau Jawa

Bua Ya Singin Pendopo
Koa Kanyung Tokal Tendu
Tendu Tu Dadi Bupati

Sasingin Mula Pendopo
Dalam Saman Madilaoe
Maris Mo Intan Jangka To

Ma Tu Ngingo Lako Angkang
Manang Bale Telu Antin
Nan Tu Sepan Mo Bale Jam

Bua Sasingin Bale Jam
Bale Tokal Ngentong Lonceng
Genta Ling Basa Tau To

Sapuan Runtung Mo Waktu
Lonceng Ya Tarik Sabeling
Dadi Mo Jam Pang Saman Nan

Salin Mo Panunjuk Waktu
Lonceng Sanadi Si Alat
Pasamada Ko Tu Peno

Misal Ada Bale Motong
Atawa Ada Masalah
Lonceng Bleng Mo Mangkoneng

Lonceng Ling Bao Bale Nan
Pameang Datu Balanda
Dadi Hadiah Ko Raja

Masi Ling Dalam Pendopo
Tu Ete Teno Ko Bungkak
Ada Sumir Ya Karamat

Nan Nya Singin Sumir Batir
Sumir Peno Bawa Tutir
No Sambarang Tu Bakabu’

Orat Tutir Sumir Batir
Nan Nya Turas Ai Awak
Mana Balit No Towar

Dunung Lamin Tau Sakit
Jarub Ai Sumir Batir
Tenrang Rapang Nongka Sakit

Menan Si Ampo Sia Ee
No Sambabarang Tu Lo Parak
No Kerik Kadang Kasikal

Konang Nanta Tu Marenta
Sumir Boe Mo Katapin
Pina La Pangan Tenis

Parak Si Ke Sumir Batir
Ada Si Bale Pang Tedu
Bale Mo Pagawai Raja

Bale Nomonda Tu Gita
Boe Mo Rata Ke Tana
Ganti Mo Ke Bangunan Lin

Ada Kantor Kelurahan
Sopo Taman Kanak Kanak
Ke Sopo Sakolah Dasar

Kabali Ete Ko Angkang
Manang Ola Ke Lapangan
Balat Mo Ling Sopo Kokar

Kokar Rapang Benrang Ode
Maris Mo Sanadi Batas
Mena Gampang Tu Lis Tama

Batas Singin Kokar Dano
Barotak Ling Jenring Uma
Batenris Turin Lako Benrang

Otak Bungkak Kantor Camat
Barereng Ai Sakilo
Tenris Mo Ko Benrang Bara

Tu Lis Tama Ko Istana
No Bau Sambarang Tau
Dapat Insin Nan Po Bau

Satowe Kokar Ko Lenang
Pina Mo Tete Jambatang
Nan Ola Ta Mue Desa

Ling Ano Rawi Pandopo
Sapuan Masi Tua Rea’
Nan Nya Dadi Benrang Bara

Bua Dadi Benrang Bara
Nan Mo Bara Kembo Jaran
Ke Bedis Doma Maraja

Sapuan Dunung Gila Ee
Tau Ngayap Lako Raja
Kapeno Tau Balayar

Ka Kaling Bugis Menan Si
Lengkap Ke Joa Parjaka
Jangka Mo Bakarang Juru

Turin Bangka Ling Palabu
Maris Mo Ngusi Sangara’
Nan Po Ngayap Lako Raja

Ngusi  Ling  Sopo Katokal
Nan Mo Dadi Karang Bugis
Tu Sepan Si Karang Makam

Bua Tu Sepan Karang Bugis
Peno Tendu Tau Bugis
Mate Telas Mo Pang Ninan

Ampo Bua Karang Makam
Nan Pang Kubir Tau Lengit
Jangka To Masi Tu Gita

Momat Samoko Ke Jaran
Denan Tungang Ko Istana
Sat Tali Mo Pang Kokar

Katokal Sat Tali Jaran
Dunung Manang Mo Bioskop
Kareng Dadi Toko Rea’

Katokal Nan We Sia Ee
Dunung Beang Ko Tu Cina
Basingin Tuan Le On Thing

Salin Sampanang  Bioskop
Le On Thing Pina Si Pabrik
Es Batu Sasenap Korok

Tu Samaris Ko Palabu
Dunung Siong Si Pang Labu
Pang Tungkup Nan Ka Palabu

Tungkup Tokal Tau Lempat
Lempat Kalis Bao Bangka
Turin Ko Tana’ Samawa’

Benru Rapina Palabu’
Kareng Mo Pina Jambatang
Singin Jambatang Palempat

Mula Pina Ling Balanda
Imung Sabalong Ling Jepang
To Dadi Karangka Baja

Jambatang Ling Brang Biji
Ola Mo Tu Angkang Gemba
Nan Singin Lapangan Terbang

Salin Mo Pang Karang Bugis
Tau Arab Ke Tu Cina
Ete Tokal Ling Sisi Let

Ete Tokal Ling Sisi Let
Kira Nan Pang Nyaman Ate
Imung Parak Ke Palabu

Ling Dalam Saman Balanda
Palabu Pina Ko Labu
Nan Mo Nya Labu Samawa’

Bukti Ka Pang Tau Arab
Ling To Masi Si Tugita
Pang Desa Labu Samawa’

Ada Singin Kampung Arab
Nan Mo Karang Balo Tolo
Sapuan Datang Badagang

Santara Mo Tau Cina
Peno Tu Samparak Diri
Lako Pusat Kerajaan

Jangka To Masi Si Peno
Roe Bengka  Tau Cina
Buka Toko Ling Kartini

Tu Mula Samparak Diri
Roe Bengka  The She Kia
Basa Kita Tuan Sega’

Sanopoka Tau Cina
Dunung Mo Bangun Balanda
Pina Tokal Main Bilyar

Ete Ola Tu Balangan
Langan Lako Tana’ Lapang
Nan Mo Singin Kamar Bola

Tana’ Lapang Nan Sia Ee
Pang Tin Lima Puluh Lima
Singin Lapangan Pahlawan

Mara Mo Singin Lapangan
Ola Singin Si Pahlawan
Maris Mo Jangka Anota

Benru Jira Tu Mardeka
Pang Tin Lima Puluh Siwa
Sangilang Mo Kerajaan

Barema Ke Nan Kabali
Roba Dadi Kabupaten
Raja Si Dadi Pamimpin

Dua Dua Januari
Pang Tin Lima Pulu Siwa’
Raja Dadi Mo Bupati

Angkat Sumpa Ke Bajangi
Jatu Jatan Desa Darat
Lema Senap Nyaman Nyawe

Jangka Nan Boe Mo Masa
Sultan Pimpin Kerajaan
Kareng Mo Dadi Bupati

Nan Mo Ka Kalis Intan Ee
Pina’ Dadi Hari Lahir
Samawa’ Balong Tu Totang

Tu Samaris Ko Kanatang
Datang Rame Tu Mengkasar
Sola Mo Lengkap Ke Cinde


Sumber : Sumbawanews.com
Editor : onco